Homey Paw 住家狗寵物用品

住家狗嘅起源其實係因為一隻未夠一歲就被人遺棄幾次嘅哥基小朋友—侏仔

侏仔係一隻活潑好動,需要人陪伴,好中意親近人既狗仔。不過因為太過活躍,再加上無主人好好教佢既關係,變得愈來愈百厭,破壞能力愈來愈高。可能就係因為咁,前主人都紛紛棄養侏仔。

當侏仔再一次被遺棄,幾經波折之下,當晚去咗我哋度暫託。係果個時候,我地無諗過我地會收養侏仔,承擔起呢個咁大既責任。舊主人一直聲稱已經幫侏仔搵到新主人,不過一直都無蹤影,而舊主人亦幾個月都無來探過侏仔。

暫託第一晚 – 洗白白

經過相處,我哋發覺侏仔應該係因為被多次遺棄,有一定程度既心理創傷,同分離焦慮症,所以先會係咁破壞,博取人既注意力。 因為咁,我地係幫佢搵新主人嘅候都格外嚴謹,驚侏仔唔可以再承受多一次遺棄!

搵左幾個月,一直都未搵到合適嘅人選,可以包容佢,亦都有耐性有時間教好佢。諗左好耐,最後,我哋都決定左領養侏仔,畀一個屋企佢,成為真真正正嘅住家狗。Give him a HOME, not just a HOUSE. 呢個亦都係我地間鋪叫住家狗既原因。

養寵物,無論你收入幾多、廚房幾大,只要你承諾佢係一生一世嘅屋企人,咁就足夠。

出街搶繩又鬧交

決定養侏仔之後,我地就著力研究多種寵物用品同食品,想要比最好既佢,令佢可以健健康康快快樂樂咁陪伴我地。唔認真研究都唔知道,原來市面上有咁多參疵不齊既產品。所以,我地決定開呢一間住家狗寵物用品店。推廣有質量,合符標準既寵物用品畀毛孩爸媽。

依家有屋企又有得出去玩

係2021年呢一個艱難嘅時期,做左呢兩個唔容易既決定 (領養侏仔 & 開設住家狗)。我地知道會好艱難,未來亦一D都唔,不過我地會努力。希望侏仔同所有毛孩都可以成為一個開開心心嘅住家狗。
Follow我哋店長嘅IG︰g_jai.thecorgi